Граѓанските активисти бараат од Претседателката на државата Гордана Сиљановска-Давкова да не го поптише указот за прогласување на измените на Изборниот законик со кои се зголемува бројот на потписи потребни за независни кандидатски листи за локалните избори. Кон барањето се и независните советници од ,,Стига е“ – Фронт против рудник и загадувачи на животната средина од Струмица, Босилово и Ново Село.
,,Бараме Сиљановска-Давкова да постапи согласно своите законски надлежности како Претседателка на РМ, но и согласно својот професионален интегритет и етичките вредности како поранешна професорка по уставно право. Со Законот се зголемува бројот на потписи потребни за независните кандидатски листи да учествуваат на избори — на некои места за дури три и пол пати повеќе од одредбите кои важеа за време на локалните избори во 2021 г. Со тоа, директно се елиминира можноста за учество на независни кандидати, што претставува флагрантно кршење на уставно загарантираното избирачко право и бескрупулозен изборен инжењеринг. Да се потсетиме дека за независните гласаа 56.000 граѓани на минатите избори во 2021 година со што внесоа свои независни претставници во 33 општини и во Градот Скопје,, стои во реакцијата на Стига е.
Независните ја посочуваа препораката на ОБСЕ и ОДИХР дека се потребни максимум 1% потписи за да и тие влезат во изборен циклус ида придонесат кон демократијата во земајва како лица кои не доаѓаат од политички партии
,,Препораката за значително елиминирање на бирократските процедури партиите воопшто не ја зедоа предвид, а препораката за максимум 1% ја извртеа во своја корист и во општините со најголем број на избирачи го зголемија прагот за пристап до избори на сите независни кандидати — што е спротивно на сите демократски практики во Европа и спротивно на суштинските одредби од македонскиот Устав во кои се вели дека не смее да се ограничува правото да се избира и да се биде избран како една од темелните вредности на уставниот поредок“, стои во реакцијата на Стига е.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
