Општина Струмица заедно со ЈПКД ,,Комуналец“ ги сменија старите дотраени знамиња на плоштадот во Струмица каде со години се веат 30 знамиња. Како што објавија општинските служби заменети се сите знамиња.
„Плоштадот Гоце Делчев во Струмица треба да се одржува затоа што тука се одвиваат најзначајните настани и минуваат голем број граѓани и туристи. Денес заедно со Комуналното Јавно Претпријатие ,,Комуналец” Струмица заменети се 30 стари и дотраени знамиња. Знамињата на европски држави го симболизираат стремежот на Струмица за Европска Македонија.“, објави градоначалникот Петар Јанков
30 те знамиња беа поставени по повод одбележувањето на Денот на Европа во 2007 година. Освен на 27 те на земји членки на ЕУ, на плоштадот во Струмица поставени се и знамето на Македонија, ЕУ и на Општина Струмица.
„Струмица нека биде предвесник на нашата блиска Европска иднина“ кажа на поставувањето на 30 те знамиња на струмичкиот плоштад, тогашниот прв човек на општината Зоран Заев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
