Во дворот на црквата ,,Св Никола“ во Градашорци се одржа традиционалната Празијада на која се собраа голем број гости од земјава и странство. Сите тие уживаа во вкусните специјалитети приготвени од домаќинките од Општина Василево а се бараше и праз повеќе од локалните жители чија цена достигна и до 350 денари за снопче. На манифестацијата присутен беше и премиерот Христијан Мицкоски со неколку министри од Владата како и голем број пратеници, градоначалници.
Во програмата настапија ученици од ООУ „Гоце Делчев“ од Василево, КУД „Кирил и Методиј“ од Иловица заедно со инструменталниот состав како и Игор Димовски со Пауза за ракија. Тие направија одлична забава за присутните која траеше до попладневните часови. Тие што останаа заиграа и големо оро во црковниот двор.
На присутните се обрати градоначалникот на Општина Василево Славе Андонов кој кажа дека манифестацијата стана бренд и голем број гости имаат понесено спомени но и квалитетен праз од Градашорци. Министерот за земјоделство Цветан Трипуновски кажа дека како Влада ќе продолжат да ја подржуваат оваа манифестација но и редовно ќе ги делат субвенциите со цел да се потикне повеќе земјоделското производство.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
