Со настапот на „Распеани валандовчани“ почна 36 тото издание на Фолк Фест Валандово кое и годинава на програмата има две предфестивалски вечери додека во неделата ќе биде официјалната кога ќе бидат изведени 20 новокомпонирани фолк песни. Илјадници посетители уживаа синоќа на валандовскито плоштад каде присутните ги пееа стиховите на изведувачите
Синоќа на плоштадот во градот на калинките освен ансаблот ,,Распеани валандовчани“ настапија ланските победници но и Јоце Панов а вечерта ја заокружи Жељко Самарџиќ. Вечерва пак на истата сцена на градскиот плоштад ќе настапат: Ефто Пупиновски, познатата српска пејачка Ана Бекута која своевремено има настапено на овој познат македонски фолк фестивал, како и познатата македонска група „Куку Леле”.
Официјалниот дел на “Фолк Фест Валандово”, ќе се случи на 28-ми мај од 20:30 часот во салата “Јанко Узунов” кога ќе бидат испеани дваесет новокомпонирани македонски песни. Како што потенцираа организаторите на минатонеделната прес конференција во недела ќе биде доделена наградата за животно дело, постхумно на Ѓоко Дончев а ревијалниот дел ќе биде посветен на Милан Завков
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
