Васко Дрвошанов од Куклиш беше најбрз и го пронајде светиот крст во Струмица кој беше положен во водите на базенот Аквариус во Струмица. Тој по втор пат се фрла во Струмица по светиот крст а претходно шест пати учествувал во фаќањето на крстот во осветени води во неговото Куклиш.
Во Гевгелија среќата ги посака Љупчо Трајков и Даниел Анчев. Тие беа најбрзи по светиот крст во реката Вардар положен од црковните лица. Трајков има 35 години а Анчев 21 и двајцата се од Гевгелија.
Во Радовиш најбрз беше Миле Аврамов. Тој ја имаше среќата да стаса прв до положениот Свет крст со кој беа осветени водите во Радовиш.
Во Богданци светиот крст беше фрлен во водите на брана Паљурци. Таму највешт и најбрз беше Саше Михајловиќ од Богданци.
Во Валандово среќа имаше 17 годишниот Петар Занов кој го извади светиот крст од осветените води во базенот над Валандово во конкуренција на повеќе момчиња кои се фрлија по крстот.
Мите Пејков од Нов Дојран беше најбрз и ја имаше среќата од сите верници кои скокнаа по крстот во водите од Дојранското езеро.
Во Конче свеиот крст се фрлаше река Крива Лакавица каде Живко Митев од Ракитец беше најбрз и ја имаше среќата прв да го подигне крстот од водите на Крива Лакавица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
