Неодамна се одржа 25 тата Ловечка вечер во организација на ЛД „Елен“ од Ново Село. Истата беше во ресторанот „Сонце“ Борисово, каде организаторите поделија голем број награди во „ловечката лотарија„ за присутните кои купија наградни лозови.
Меѓу добитниците кои доби една од пушките за лов беше и сопственикот на ресторанот – Иле Илиев. Неговиот добитен талон беше извлечен на крајот од вечерта од страна на претседателот на друштвото Илија Чавков. Но Илиев уште на самиот старт се откажа од наградата, бидејки како што кажа, од него имало поголеми вљубеници во ловот.
,, Си ветив себе си но и на сите што беа ангажирани таа вечер, дека ако добијам награда, истата ќе ја доделам на друг. Ова ловечка пушка ја подарувам на лице кое таа вечер беше ангажирано и знам дека е страствен ловџија отколку јас. Тој многу го сака ловот и сака да се грижи за природата и ловџиството според законските нормативи. Оваа ловечка пушка ја подарувам токму нему“, кажа Илиев, чиј гест наиде на поддршка од присутните.
Инаку ЛД „Елен“ од Ново Село функционира со години. Таму членуваат голем број ловџии кои водат грижа за дивечот во зимски услови но и за контролиран лов на локации и во временски периоди кои се утврдени со закон.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
