Деновиве дечињата од Детската градинка Кокиче но и учениците од ООУ ,,Кочо Рацин’’ од Нов Дојран се вклучија во одбележувањето на Денот на пролетта и заедно со своите воспитувачки и негувателки но и наставници и професори ги чистеа јавните зелени површини и плажите од отпад. Беа собрани неколку кеси разновиден отпад фрлен или оставен од несовесни граѓани кои го посетуваат Дојран. Со ова акција младите покажаа дека сакаат да живеат во чиста средина но и упатија порака до сите гости да бидат внимателни со хигиената во ова туристичко место
,,Уште од најмала возраст децата треба да научат дека треба да живеат во склад со природата.Не вреди да се бараат материјалните богатства во животот, додека не се откријат тие од природата.Боите и звуците околу нас се неисцрпно богатство кое ни е на дофат. Убавината, топлината и восхитот кон животната средина треба да ни се врвен приоритет. Да ги научиме децата да ја сакаат и чуваат средината во која живеат. Токму со таа идеја беше организирано денешното пролетно чистење и дружење,, напиша на својата официјална ФБ фан страна првиот човек на Дојран Анго Ангов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
