И годинава на Велигден младите од Костурино ја продолжија традицијата на прикажување на сопствената историја како се бранело селото низ вековите од разбојници. Според објавата на својата ФБ страна своевремено населените места биле напаѓани од разбојници па морале жителите морале сами да се организираат за да се одбранат од грабежите и немири. Така било и во Костурино каде џамалџии кои биле млади и силни момци секогаш го бранеле селото од арамии и се случувале борби
,, Во Костурино, секој Велигден, оваа борба повторно оживува. Селото има жива традиција каде што за Велигден се прави рекреација (претстава) на борба – инспирирана од старите времиња кога селата морале сами да се бранат. Нашето село ја раскажува својата историја преку рекреација – потсетник на времињата кога опстанокот зависел од сопствената сила и слога. Млади од селото се облекуваат и учествуваат како: бранители (во стил на русали) и напаѓачи (разбојници). Младите ја продолжуваат традицијата, облекувајќи ја храброста на своите предци и носејќи ја приказната понатаму. Ова не е само обичај. Ова е жива историја. Потсетник дека кога нема кој да те брани – народот самиот станува сила. И дека кога сме заедно – сме посилни од секое зло“, стои во објавата на ФБ страната на населеното место Костурино
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
