Околу 200 велосипедисти и планинари возеа и пешачеа но и уживаа во убавините на планината Беласица. Викендов во организација на ВК Актив од Струмица се одржа настанот ,, Мистериите на Беласица” кој годинава беше како дел од спортската програма на Струмица Опен Фестивалот- 2019. Учесници од земјава и Бугарија беа дел од настанот кој има за цел да се анимира планинскиот велосипедизам но и рекреативното планинарење но и да се приближат убавините и природните реткости што ги нуди ова планина.
Учесниците на ,,Мистериите на Беласица“ во саботата тргнаа од селото Смоларе и се искачија до Планинарскиот дом „Шарена чешма“, на 1276 метри надморска висина. Таму имаше и забава со музика а во неделата го искачуваа врвот Тумба по што се симнаа кон планинарскиот дом.
Дел од велосипедистите и планинарите ги посетија и убавините на тој потег како што се Сечена Скала, Ѓаволски Мост, Селфи Каменот кои се дело на природата. Велосипедистите кои првпат беа на Беласица тврдат дека истата крие огромен потенцијал за планински велосипедизам.
,,Одлична организација и убава планина. Обележани патеки за планински велосипедизам. Дел одлични за возење други напорни. Ја препорачуваме оти Беласица има што да понуди за да се види и ужива,, коментираа учесниците кои тврдат дека вакви настани треба да бидат почести бидејки на тој начин се спојува љубовта кон спортот и природата
Мистериите на Беласциа како спортски настан, веќе четврта година се организира како настан што го организира ВК Актив од Струмица а на кој учествуват се повеќе велосипедисти и планинари
фото Трајче Кацуров
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
