Во среда на 18 ти декември во хотел Аполонија, истоимената Фондација го организира првиот Донаторски кружок во Гевгелија на кој се повикуваат сите правни и физички лица да ја покажат својата солидарност и донираат средства за подобра заедница. Станува збор за филантропски настан на кој граѓаните се собираат на едно место и на еден транспарентен начин преку јавно наддавање, одлучуваат и донираат средства за една од трите инцијативи на граѓански организации.
Првата иницијатива доаѓа од Здружението на слепи лица од Гевгелија на кои им се потребни средства за обезбедување опрема за тимски спорт ,,голбол“ и помагала. Со набавката на ова опрема, Здружението ќе овозможи поактивно учество на овие лица во заедницата и нивна социјализација.
Втората иницијатва е од Гевгелија точак клуб кој постојао работи да ги инспирира младите да го прифатат влеосипедизот како начин на живот и да ги научат на основите на безбедно возење. Средствата ќе бидат насочени децата да развиваат здрави навики со користење на велосипедот и да ја променат иднината на Гевгелија.
Третата иницијатва е од Центарот Мајка Тереза кој се грижи за лица со попреченост и таму веќе 100 тина деца и возрасни добиваат можност за учење и развој . Тие бараат средства за да се обезбедат попладневни активности на лицата со попреченост за нивна поголема социјализација, самостојност и исполнетост при што нивните најблиски ќе имаат простор за извршување на нивните обврски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
