Здружението за ора и танци ,,Фолклорна низа“ од Струмица на 21 декември пќе го одржи традиционалниот Новогодишен концерт кој годинава ќе има две изданија во Домот на АРМ. Првиот ќе биде со почеток во 18 часот а вториот во 20 часот со цел сите лубители на фолклорот да уживаат во кореографиите на членовите на „Фолклорна низа“. Концертот е насловен ,,Големи и мали“ бидејки како што најавуваат од здружението ќе настапат речиси сите членови.
„На традиционалниот заеднички новогодишен концерт „Големи и мали“ ќе настапат 100 членови на Фолклорна низа, од најмалите до ветеранките. Љубовта кон фолклорот тие ќе ја покажат со различни кореографии, сплетови, ора и обичаи и ќе понудат уште една незаборавна вечер каква што членовите на Фолклорна низа знаат да направат. Гости на концертот ќе бидат ЖФГ Радовишанки Етно од Радовиш,, велаат од струмичкиот репрезент на фолклорот.
Влезот за концертите ќе биде слободен но истите ќе имаат хуманитарен карактер. Ќе биде поставена кутија за донација каде ќе може посетителите да се оставаат парични средства. Собраните средства Здружението за ора и песни „Фолклорна Низа“ ќе ги донира во Елеуса Фондација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
