По повод 100 годишнината од основањето на ФК Тиверија се очекува овој клуб и прволигашот Академија Пандев Брера Струмица да потпишат Меморандум за соработка. Двата клуба како што дознаваме изминатиов период веќе разговарале за ова можност се со цел, дел од младите фудбалери на струмичкиот прволигаш им се дозволи поголема минутажа но под стручен надзор на тренери од Брера Струмица.
,,Разговорите за оваа соработка со Академија Пандев Брера Струмица траат веќе извесен период. Со истата е предвидено младите фудбалери од Академија Пандев за кои е потребна поголема минутажа истата да ја добијат во ФК Тиверија под стручен надзор на тренери од Академија Пандев. Тиверија е симбол на Струмица и во годината кога славиме 100 години од основањето на клубот сметам дека правиме голем чекор напред. Во наредниот период следува екипирање на тимот и формирање на нов стручен штаб“, соопштуваат од ФК Тиверија кој годинава одбележува јублеј 100 години постоење.
Неодамна во соопштението за ребрендирање од ФК Акадедмија Пандев Брера Струмица токму соработката со фудбалските клубови од Струмица и Македонија е еден од приоритетите за новата управа се со цел да се развива фудбалот како спорт.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
