Петар Андреев кој за ФК Беласица има одиграно 555 меча во 22 натпреварувачки сезони и постигнато 50 гола со што е во топ 10 стрелците на клубот, доби признание од управата на ФК Беласица предводена од Славчо Васков Пинда. Пред одигрување на мечот Беласица – Детонит Плачковица, Пинда му додели плакета и врамен дрес со неговото име а публиката го скандирааше името на Перо Андреев кој е една од ретките живи играчки легенди на струмичка Беласица. За време на свечениот чин публиката присутна на трибинитие на стадионот заедно со навивачката група Ајдуци аплаудираше и го скандираше неговото име.
„Човекот кој остави најголема трага во Беласица со 555 натпревари во 22 сезони – Петар Андреев претставува пример за денешните генерации каква треба да биде љубовта кон сопствениот клуб. Тој денес со големи овации беше поздравен од струмичката публика која во еден глас го скандираше неговото име. Од претседателот на клубот Славчо Васков- Пинда му беше доделена плакета и врамен дрес со неговото име кое ќе му остане во вечно сеќавање“, се вели во соопштението на Беласица.
,,Синоќа ме направивте најсреќниот човек на светот. Благодараност до председателот на ФК Беласица Славчо Пинда, до навивачите, до навивачката група Ајдуци. Благодарам за долго трајниот аплауз и скандирањето на моето име. Среќен сум што го доживеав тоа додека сум уште жив“, напиша Петар Андреев
Петар Андреев, жива легенда на Беласица и фудбалот во Струмица, симбол и икона на клубот. Апсолутен рекордер со 22 сезони и 555 одиграни лигашки натревари за Беласица. Има постигнато 50 првенствени голови, со што е во топ 10 стрелците на Беласица. Дебитира за Беласица на 17 годишна возраст против Балкан во Скопје . Со осамостојувањето на Македонија, Андреев е прв капитен на тимот и во таа премиерна сезона, постигнува 5 голови и е трет стрелец на силниот тим на Беласица. Последниот лигашки натпревар е против Саса од Каменица, во ноември 1995 година, во 39-тата година од животот. Во 18 од 22 сезони, има играно на минимум 20 лигашки натпревари по сезона. Следното лето 1996 година, Беласица му организира опроштален натпревар против Партизан од Белград, како што доликува да се испрати еден таков великан. Успешна кариера посветена на Беласица од младински категории, па се до крај. По завршувањето на играчката кариера, работи и како тренер во младинските категории на Беласица.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
