Второлигашите од источното фудбалско друштво од Владата побараа финансиска помош за наредниот период со оглед дека трошоците им продолжуваат а немаат никакви донации ниту пак се во можност да ги искористат ваучерите заради настанатата ситуација со коронавирусот. На дописот доставен до Владата потпишани се ФК Беласица од Струмица, ФК Кожуф од Гевгелија и ФК Плачковица од Радовиш кои сметаат дека во овие услови кога натпреварувањето е стопирано, немаат никакви приходи но трошоци постојано им растат.
„Фудбалските клубови се на аматерска основа и не остваруваме никакви приходи по ниту еден основ, единствен приход се донации, кои сега се поврзани со добивањето на ваучер и спонзорства, кои од воведувањето на ваучерите се нула. Во овој момент се соочуваме со ситуација да не може да ги реализираме ваучерите, ниту да добиеме спонзорства од компаниите, а трошоците останаа исти, се однесуваат на личен доход за многу малку лица и хонорари, како единствен начин за финансирање на фудбалерите и останатите лица ангажирани во клубот“, се вели во соопштението потпишано од сите 10 клубови од Втората лига Исток и 7 клубови од западното друштво,
Второлигашите бараат за сите 20 клубови во источното и западното друштво подеднаква финансиска помош и повлекување на ваучерите дадени на клубовите. Инаку во Втората лига Исток се одиграа 16 првенствени кола и таму лидер е струмичка Беласица која има скор од 13 победи, едно реми и 2 пораза и вкупно 40 бода. Втора е штипска Брегалница која има три бода помалку по што следува Тиквеш на третата позиција со 31бод. Гевгелиски Кожуф е на петата позиција со 30 бода а радовишка Плачковица е седма со 13 бода
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
