ФК АП Брера Струмица заедно со Црвен крст на Македонија – општинска организација Струмица како и Службата за трансфузиона медицина, во среда на 4 ти октомври организираат доброволна крводарителска акција која ќе се реализира во просторите на СРЦ ,,Пандев“. Како што соопштија од клубот со акцијата сакаат да дадат придонес во спасувањето човечки живот но и да се потикне солидарноста и заедништвото. За време на акцијата со крводарителите ќе бидат присутни тренерите и дел од играчкиот состав а сите што ќе бидат дел од акцијата ќе добијат и подароци
,,Секој кој што ќе дарува крв за време на акцијата во СРЦ Пандев во Струмица ќе има можност одблиску да се запознае со атмосферата и клупските простории на ,,АП Брера Струмица“ но и ќе добие маица од клубот како и блок влезници за мечот со Гостивар. Од таа причина ги повикуваме сите граѓани, навивачи, лубители на спортот да бидат присутни на акцијата и да ја покажеме нашата хуманост. Да даруваме крв, да направиме дело но и директно да се запознаеме играчите, тренерите и атмосферата во ФК АП Брера Струмица во СРЦ ,,Пандев“ Струмица,, стои во соопштението од струмичкиот прволигаш
Апел за дарување крв доаѓа и од Општинската организација на Црвениот Крст во Струмица од каде упатуваат благодарност до ФК АП Брера Струмица за иницијативата како и за отстапување на простории од СРЦ Пандев каде ќе се реализира акцијата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
