„Брера Холдингс” и официјално го потврди својот влез во струмичкиот прволигаш Академија Пандев односно дека до крајот на првата половина од годинава ќе го купи доминантниот пакет акции на овој клуб кој треба да биде далеку поконкурентен како фудбалски клуб на домашната и европската сцена но и да биде центар за градење на квалитетни фудбалери.
„Ова е примерот на Брера Холдингс за имплементација на својата меѓународна стратегија, која паралелно ќе форсира ширење и промоција на брендот Брера ФК во Источна Европа. Со купувањето на Академија Пандев и ребрендирањето во Брера планот е да се зголеми тимскиот напредок, а местото е идеално за да се подготват фудбалерите за меѓународниот пазар и да се остварат приходи од настапите во УЕФА“, објави извршниот директор, Серџо Скалпели.
Со влезот на Брера, ќе дојде и до промена на името на струмичкиот прволигаш. Се очекува наредната првенствена сезона Академија Пандев да го носи името „Брера Струмица“. Впрочем тоа го најави и Алесандро Алеоти во интервју за Канал ВИС кога подвлече дека новото име и аблемот на клубот ќе содржи два значајни сегменти. Брера каде во бордот на директори е Горан Пандев но и градот Струмица.
,,Ние не сакаме да ги избришеме или заборавиме двата идентитети кои ги има ова екипа и затоа ќе бидат присутни во симболот, името . Првиот, оној кој се разбира припаѓа на Академија Пандев е лесно да се надмине во смисла на тоа дека Горан Пандев е во Управниот одбор на компанијата Брера што инвестира во овој проект Потоа, има друг идентитет за кој особено се грижам а тоа е оној на градот Струмица. Значи онаа што сакам да кажам е дека во името и симболот ќе биде присутно името на градот на конкретен начин односно Струмица,, кажа Алесандро Алеоти во интервју за Канал ВИС
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
