Фирмите за организација, реализација и поддршка на настани заедно со ТВ и филмските продукции, кои се организираа во здружение побараа од Владата помош за нивно функционирање во овој период кога нивните приходи се сведени на нула. Тие ги поздравија досегашните мерки на Владата за помош на стопанството но сметаат дека тие први ги почуствувале последиците од забраната за организирање на јавни собири уште од 28 февруари.
,,Нашиот бизнис практично не постои сè додека постои уредба за забрана за јавни собири, а исто така забележуваме дека откако ќе заврши пандемијата, ќе биде потребно уште некое време пред да се дозволат јавните собири, додека, на пример, веднаш по завршувањето на кризата тоа нема да важи за превозниците, за угостителите или пак трговијата. Сакаме уште еднаш да истакнеме, дека нашата професија беше една од прво засегнатите уште кон крајот на февруари, а ќе и треба најдолго време да се врати во нормалниот работен тек’’, кажа Перо Ѓеоргиевски
Како што кажаа на денешната прес конференција, во овој сектор работата околу 100 фирми, студиа, агенции и продукции кои вршат организација, реализација и поддршка на јавни и приватни настани и вршат филмски и продукциски снимања. Околу 400 лица се вработени во овој бизнис кој пак индиректно ангажира уште повеќе. тие денеска од Владата побараа исплата на БРУТО плата за март и за целиот период на траење пандемијата, односно се до укинувањето на забраната за одржување на јавни собири.
,,Доколку не ни биде понудена соодветна поддршка и не бидат прифатени нашите барања и тоа во најкраток можен рок, ќе бидеме приморани да ги отпуштиме нашите вработени и да ги затвориме компаниите. Освен нашите редовно вработени, засегнати се и голем број на други сектори, индустрии и физички лица од различни профили’’, кажа Ѓеоргиевски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
