Две награди доби филмот „Диџеј Ахмет“, на режисерот Георги Унковски, на фестивалот Санденс во Парк Сити, Јута САД во кој главните улоги ги толкуваат Ариф Јакуп од Али Коч и Дора Акан Златанова од Колешино но и Наим Агушев од Радовиш и Аксел Мехмед кој е актер. Филмот ја доби наградата од публиката во програмата Светски филм и Специјалната награда на жирито за креативна визија.
Станува збор за филм на турски и македонски јазик снимен во радовишките села Коџалија и Али Коч но и во Скопје. „Диџеј Ахмет“ е драма со приемси на комедија за 15 годишно момче од јуручко село од Радовиш кој ја сака музиката и сонува да стане диџеј при што се судира со очекувањата на татко му и традиционалните вредност на неговата јуручка заедница како и првата негова љубов – девојка која веќе е ветена на некој друг.
Сценографи на ммДиџеј Ахмет“ се Дејан Ѓошевски и Александра Чевреска, костимограф Роза Трајчевска, шминка и маска Душица Вуксановиќ-Дуда, снимател на тон Павел Јан, монтажер Михал Раих. Работен е како копродукција меѓу Македонија, Чешка и Србија, а продуценти се Иван Унковски и Ивана Шекуткоска. Режисерот се надева дека успехот на филмот на „ Санденс“, ќе инспирира посериозна поддршка за младите филмски автори во земјава.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
