Македонскиот одбојкарски репрезентативец, струмичанецот Филип Маџунков следната првенствена сезона ќе ги брани боите на германскиот одбојкарски тим ,,Битерфелд Волфен’’ дознава Дрнка.МК. Според потпишаниот договор, тој во Германија ќе биде една година со можност да го продолжи доколку бидат задоволни двете страни. Тој на играчите и на одбојкарскиот клуб Bitterfeld Wolfen Bundesliga ќе им се приклучи од 1 август кога треба да ги отпочне подготовките за новата сезона, во која германскиот тим има високи амбиции.
Средниот блокер на македонската одбојкарска репрезентација Филип Маџунков остави силен впечаток по ЕП во Словнија каде имаше добар учинок посебно во победите против Белорусија и домакиност Словенија кога освои 7 поени. Инаку Маџунков е родени 1996 година и е висок речиси 2 метри. Во сенироската репрезентација на Македонија настапува од својата 17 та година а следен предизвик за него на репрезентативен план е Европската златна лига.
Инаку тој е дело на струмичката одбојкарска школа. Има настапувано за Џио, Гренобал во Франција и за Бјело поље во Црна Гора каде пред две сезони ја освои двојната круна. Последната сезона ги бранеше боите на Вардар од Скопја откако лани беше дел од Шампионскиот состав на ОК Џио Струмица.
Филип Маџунков веќе извесен период е во Струмица и слободново време го користи со саканите и најблиските.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
