Возачот на комбето со кое се превезуваше патничката заболена од коронавирус е пренесен во струмичката болница, бидејќи се пожалил на кашлица и болки во градите, информираше министерот за здравство Венко Филипче посочувајки дека тој е во изолација и земени му се примероци за тестирање. Резултатите од тестовите ќе бидат познати за вечерва
„Возачот на комбето со кое се превезуваа патниците од Италија, сигнализирал кашлица и болки во градите. На соодветен начин е пренесен во делот за изолација во болница во Струмица. Доколку е негативен резултатот, ќе се лекува во инфективното одделение во Струмица, а ако е позитивен ќе биден пренесен на Инфективната клиника во Скопје“, кажа министерот Филипче, кој подвлече дека возачот бил сам дома и немал контакти со членовите на семејството
Резултатите на третиот пациент од Стурмица кој денеска се испитуваше се негативни, а состојбата на пациентката со коронавирус, која се наоѓа во изолираниот дел од Инфективна клиника, е стабилна.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
