Без да има статус на правен субјект, физички лица не може да продаваат храна на струмичкото корзо, додека правните во објектите од времен карактер ќе мора да имаат довод и одвод, топла вода но и пристап до санитарни јазли. Вака кажаа од Агецијата за храна и ветеринарство на денешната седница на Локалниот совет за превенција на Струмица во Домот на АРМ, на која се расправаше за и околу поставување урбана опрема на јавни површини за вршење угостителска и трговска дејност.
Ова значи дека без регистрирана фирма и исполнување на услови согласно законите и правилникот на АХВ, продавачите на крофни, сендвичи, печена пченка, костени, непакуван сладолед, може да се соочат со казни, оти законот не дозволува храна да се продават во несоодветени услови. Правните пак ќе мора да работат според законските прописи за што од АХВ јасно им укажаа што се е потребно да имаа за да вршат продажба на храна.
Останатите физички лица кои ќе нудат рачни творби, сувенири ќе мора да се пријават кај надележните односно и во општината и кај УЈП за да бидат ставени во евиденцијата како корисници на времени објекти и времено извршување на одредена работа која подлежи на одночување.
Инаку елаборатите за поставување времен објект од 2 сега биле 6 илјади денари а од годинава се враќа старата цена од 7 денари за метар квадаратен. Од секторот за урбанизам најавија новитети.
„Предвидено е дел од улицата „Благој Јанков Мучето“ да има зелен појас од еден метар помеѓу шеталиштето и кафулињата. Ново е и тоа што од Секторот за урбанизам ќе излегува комисија и на лице место ќе ја проверува состојбата од доставениот елаборат за да видат дали се исполнети условите за користење на јавните површини. Откако ќе се утврди дека условите се исполнети, се испраќа барање до даночното одделение за да се види дали се регистрирани како даночни должници и дали ги имаат подмирено обврските кон општината. После тоа се издава решение за плаќање на надоместок кој откако ќе се плати се издава одобрение за користење на јавните површини“, објави на ФБ градоначалникот на Струмица Петар Јанков
(В.Трајков/фото Дрнка.МК)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
