Фондот за здравствено осигурување цели 14 години плаќа кирија за својата подрачна служба во Гевгелија иако во центарот на градот имаат сопствени простории кои со години се напуштени и не го користеле. Вака кажа директорот на ФЗОМ Сашо Клековски во Гевгелија кoj изврши увид на реконструкцијата на просториите кои зјаеа празни во изминатите години. Како што изјави тој, истите треба да бидат готови за три месеци, по што во нив ќе се вселат вработените од подрачната служба на Фондот во Гевгелија кои во моментов работат во простории кои ги изнајмнуваат.
,,Објектот на Фондот во Гевгелија е напуштен повеќе од 14 години и можеше да се види како објектот во центарот на градот е запуштен. Со реконструкацијата ќе овозможиме подобри услови за работа на нашите вработени и подобри услуги на граѓаните. Целата инвестиција е 155 илјади евра. Во ова сума влегува и реконструкциајта и опремувањето на канцелариите“, кажа директорот на Фондот Клековски
Тој откри дека досега Фондот за здравство за кирија на подрачната служба во Гевгелија има потрошено толку колку што чини сега реконструкцијата на објектот
„Вака запуштени објекти има повеќе низ Македонија. Почнуваме со нивна реконструкција. Планираме две до три подрачни служби годишно да ги обновуваме и да бидат пристапни и достоинствени и за вработените и за осигурениците“, кажа Клековски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
