Музичкиот фестивал Егзит, еден од најголемите и нареномирани во Европа, ќе има еднодневно преставување во Струмица како увертира на можна долгогодишна повеќдневна феестивалска забава, најавија денеска Зорица Чанадановиќ од Егзит и струмичкиот градоначалник Костадин Костадинов. Настанот ќе биде на 7 септември, пред Денот на независноста, 8 Септември. Дополнително ќе се објават кои се познати музички ѕвезди ќе настапат во Струмица и локацијата каде што ќе се одржува Егзит под мотото „Возбуди се“, а на кој се очекуваат илјадници гости.
Чанадановиќ кажа дека програмата на 7 септември ќе биде разновидна но во помал формат, а наскоро ќе бидат објавени кои регионални и светски познати музичари настапат во Струмица, со што овој град влегува во мрежата на нови музички дестинации.
,,Егзит, кој постои 22 години, има длабоки врски со Македонија. Имаме голем број посетители од Струмица и од вашата земја. Одлучивме сега Егзит да дојде во Струмица. Имаме заедничка култура и она што е најинтересно е што конечно Македонија се придружвуа на Егзит настаните и овој настан ‘Возбуди се’ ќе биде увертира на фестивалот во Струмица. Нашата цел е спојување на регионот и промoвирање на нови дестинации“, изјави Чанадановиќ.
Градоначлникот Костадинов вели дека како локална власт сакаат да излезат во пресрет на младите, потрагата по вистински вредности во духот на модерното време. Смета дека Струмица ќе има и економска корост од гостите кои би дошле од соседните земји, но и од целиот Блакан кои ќе помогнат за локалниот економски развој.
„Ова ќе биде убав настан како резултат на струмичани кои бараат вистински вредности во духот на модерното време. Место како гости, струмичани ќе бидат домаќини на забава под мотото ‘Возбуди се’. Имаме визија да го претвориме во најголем настан догодина. Ветуваме многу музика, дружење и поврзувања. Ова е голем настан за Струмица, регионот и локалната економија бидејќи Егзит значи повеќе туристи“, кажа Костадинов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
