Фудбалерот Љупче Дориев стана татко а веста ја дочека на пат од Дубаи кон Анталија Турција каде со својот узбекистанскиот тим Согдијана се наоѓаат на подготовки за пролетниот дел од сезоната. Неговата сопруга Сандра на свет ја донесе малата Ева за која Љупче вели дека е мала принцеза и дека животот му го промени.
,, Незнам како да го опишам чуството, мислам дека сеуште сум во позитивен шок. Дојдов на два дена да ја видам и се враќам за Анталија. Доаѓањето на Ева како да ми го промени светот. Се враќам на подготовките, но со мислите ќе сум кај нашата принцеза. Сега имам дополнителна мотивација фудбаслки да се докажам“ ни изјави Љупче Дориев кој игра за Согдијана
Љупче и Сандра се свршија во декември пред Нова година. Тие тогаш осумгодишната врска ја озаконија во брак. Љупче тогаш ни изјави дека неговите успеси се дело на Сандра. Соопшти дека неговите две принцези до летото ќе бидат во Македонија по што ќе се преселат во Узбекистан бидејки Љупче има договор уште две години.
,,До Јули Август ќе бидат тука а потоа животот го продолжуваме во Узбекистан. Дотогаш ќе помагаат бабите а верувам дека одвреме навреме ќе доаѓам и јас. “ ни кажа Дориев
Дориев во Согдијана – Узбекистан има договор уште две години. Тој таму е прогласен за најдобар играч и стрелец со оглед на одличните партии што ги има како и головите што ги постигна. Тој своевремено беше дел од репрезентацијата каде се надева дека ќе се врати, бидејки како што вели има што да покаже и во дресот за Македонија (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
