Силни аплаузи и овации предизвикале членовите на Фолклорниот Ансамбл ,,Цветови’’ од Дедино општина Конче при настапите на интернационалниот фолклорен фестивал ,,Алегрија’’ во Шпанија. Нивните настапи со внимание ги следеле и останатите учесници кои биле изненадени од македонскиот фолклор и народните носии со традиционалните везови. Како што не информираше Мартин Илиев од ФА ,,Цветови’’ тие имале три вечерни настапи на кои се преставиле со ората ,,Чачак’’ ,,Баба Ѓурѓа – сплет’’ ,,Бувчанско оро’’ ,,Малешевка’’ и други традиционални ора од македонското поднебје
,,Значи имавме три настапи, прекрасно поминавме, гледавме во најдобро светло да се претставиме и сметам дека успеваме во тоа ако судиме по овациитее и аплаузите од публиката. Настапите сите три вечери беа на фестивалската бина во центарот на градот. Автентичната носија успеја и тоа како да ги украде погледите на присутните гости во градот па неретко голем дел на фото објективит беа свртени кон нас,, ни изјави Мартин Илиев
На овој фестивал освен играорците од Дедино општина Конче, настапуваа и Ансамбли од Колумбија, Мексико, Аргентина, Русија,Турција, Шведска.
Учеството на Фолклорниот Ансамбл ,,Цветови’’ од Дедино во Шпанија е со поддршка на општина Конче, Советот и градоначалникот Благој Илиев за што од овој ансамбл упатија огромна благодарност. Благодарност упатија и до сите правни и физички лица кои ја помогнаа реализацијата на овој проект за промоција на македонското културно наследство во Шпанија
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
