Три лица од Струмица ќе заработат пријави за сторено кривично дело „загрозување на животната средина и природата“, откако беа фатени во атарот на река ,,Тркања“ како горат кабли за да добијат бакар. Полицијата заедно со општински комунални инспектори на Струмица, по пријава на граѓани излегле на терен и на лице место ги затекнале тројцата струмичани како од стари апарати ги гореле каблите при што создале чад подолг период.
,,Полициски службеници од СВР Струмица извршиле увид на место викано „Тркања“, атар на Струмица, каде претходно биле затекнати лицата У.Д.(18), Р.А.(18) и Е.Д.(26), сите од Струмица, кои гореле кабли. За настанот е запознаен Јавен обвинител од ОЈО Струмица и по целосно документирање на случајот против лицата ќе биде поднесен соодветна пријава поради сомнение за сторено кривично дело „загрозување на животната средина и природата“ по член 218 од Кривичниот законик,, стои во известувањето од полицијата
Ова не е прв случај како се откриваат лица кои горат кабли за да добијат бакар. На социјалните мрежи струмичани контуинирано реагираат за појава на чад од локации каде се сомневаат дека се гори отпад. Градоначалникот на Струмица Костадин Костадинов апелираше вакви појави да се пријавуваат до инспекциските служби.
,,Апелираме до граѓаните кои ќе забележат такви појави веднаш да ги пријават во надлежните институции. Мора сите заеднички да се бориме за почиста и поздрава животна средина,, објави градоначалникот Костадинов
фото: ФБ Костадин Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
