Во последните 24 часа во земјава се регистрирани нови 89 лица позитивни на вирусот Ковид-19, објави министерот за здравство Венко Филипче на ФБ кој подвлече дека се направени 727 тестирања. По градови најмногу има во Скопје дури 35 случаи, во Штип се евидентирани нови 27 лица, Куманово 12, 7 во Тетово, 4 во Кочани и по 1 во Прилеп, Гостивар, Струмица и Свети Николе.
Во последните 24 часа, 7 пациенти ја загубија битката со „Ковид-19“. Две жртви се од Скопје, две од Куманово, две од Тетово и една од Струга. Шест од овие лица се лекувале на ГОБ „8 септември“ а едно на Клиниката за инфективни болести
Според најновите статистички податоци кај нас, од почетокот на пандемијата, 2315 лица се дијагностицирани со коронавирус, од кои 1.569 се излечени, а за жал 140 пациенти ја изгубиле битката со новиот коронавирус. Во моментов во нашата земја има 606 активни случаи со новиот коронавирус.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
