Една смарт табла и десет лап-топ компјутери е новата дигитална опрема во ООУ “Атанас Нивичански“ со која ова училиште го модернизира образовниот процес. Според информацијата од директорката на ова училиште, Марија Костуранова, опремата е добиена од Министерството за образование и наука.
„Дечињата од основното училиште „Атанас Нивичански“ Нова Маала сега имаат можност да бидат дел од образовен процес кој е технички унапреден и дигитализиран со нова опрема. Станува збор за опрема која вклучува една нова смарт-табла со проектор, 10 лаптопи“, информираше градоначалникот Славе Андонов притоа најавувајќи дека до крајот на овој месец училиштето ќе добие и кабинет по информатика.
„До крајот на месецот основното училиште „Атанас Нивичански“ Нова Маала ќе добие и кабинет по информатика. Напредната и модерна технологија е неопходна за подигнување на квалитетот на образовниот процес, нови знаења и резултати. Преку континуирани инвестиции во опрема обезбедуваме подобри услови за учениците во општина Василево.
Инвестициите од ваков тип продолжуваат и во следниот период. Ова е процес преку коj успеваме да креираме подобра средина во која учениците имаат можност да ги истакнат своите таленти и да ги остварат зацртаните цели“, е ставот на градоначалникот Андонов.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
