Заврши полумаратонот ,,Струмица на улица”. Едни трчаа за да бидат меѓу најдобрите други пак рекреативно за да си докажат дека можат да се носат со огромни делници од 5, 10 и 21 километар. Но кај сите целта беше јасна да се испрати порака дека треба да се спортува, рекреира и да градиме здрави генерации. Тоа беше впрочем и желбата на од Петар Петров од Софија од клубот ,,Азимут Спортската Академија”-Бугарија кој делницата од 10 километри ја трчаше со својот 15 месечен син во бебешка количка
,, Спортот е здравје. Мора да ги учиме нашите деца уште од мали нозе дека треба да бидат физички активни односно да спортуваат. Кај нас во Академијата во Бугарија даваме посебен акцент на децата, бидејки само на тој начин ќе имаме здрави генерации а еден ден и спротски резултати” ни изјави Петар на целта за кого не беше важен резултатот туку да се учествува и да се трча
Низ објективот на СтрумицаНет може да се забележи дека покрај возрасните на неколку метри од целта, се приклучуваа и млади дечиња кои заедно ги трчаа последните метри до патеките.
Имаше и такви кои од љубопитство ги правеа првите чекори на полумаратонското трчање, па самоиницијативно или со дозвола на најблиските ги трчаа последните десетина метри .
На полумаратонот Струмица на улица, ќе биде забележана и групата од 20 тина деца кои заедно со наставничката Билјана Гунова од ООУ ,,Никола Вапцаров” истрчаа речиси околу еден километар и донираа за фудбалерот Томе Јанев
Дека преку спортот и трчањето се гради здрав дух го потврдија и неколкуте возрасни полумаратонци кои и покрај годините успеа да ги истрчат своите делници на вториот полумаратон ,,Струмица на улица” на кој учествуваа преку 400 учесника од земјава но и од Бугарија, Србија, Словенија, Португалија и Велика Британија
ФОТО: Кирил Ѓоргиев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
