Учениците од образовниот профил техничар за производство на хемиски и козметички производи при СОУ ,, Димитар Влахов“ се понудија да прават бесплатни козметички услуги односно бесплатна шминка на идните матуранти. Иницираа акција од учениците за матурантите со која сакаат да помогнат на завршни средношколки од социјално ранливите категории граѓани да имаат пристојна шминка за матурските.
,, Ја подржавме оваа нивна идеја да помогнат на свои сочуенички односно да понудат бесплатна шминка. Најверојатно сакаат да ги направат среќни своите другарки, матурантки но и да го презентираат своето знаење и вештини кои го стекнале по часовите за практична настава. Ние како училиште застанавме зад ова акција“, вели професорката Ленче Серафимова.
Инаку овој образовен профил при СОУ ,,Димитар Влахов“ во струмица стана доста атрактивен со оглед на се поголемата побарувачка од козметичари во регионот. Добар дел од средношколците преку лето работат во козметички салони а некои веќе размислуваат по звршувањето на образованието да отворат и свои салони.
Ваков профил има и за следната учебна 2024/2025 година. Предвидена е една паралелека со упис на 34 ученика согласно објавениот конкурс на МОН. Што нудат средните училишта од Струмицакако образвони профили за упис во прва година може да се види ТУКА.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
