Ученици од V и VIII одделение при ООУ ,,Видое Подгорец“ од Струмица подготвија бинарна театарска изведба посветена на големиот македонски револуционер Гоце Делчев. Станува збор за бинарен театар „Раѓањето и детството на Гоце Делчев“ по повод годишнината од раѓањето на великанот, реализиран во соработка со НУ Завод и Музеј Струмица и струмичката библиотека.
“Оваа сценска приказна нè прошета низ тишината на мајчината лулка, низ детската игра и првите научени лекции за правдата. Ова не беше само претстава, туку доживување. Тивко влегување во приказната и уште потивко излегување, но со срце исполнето со мисли“, објавија од ООУ Видое Подгорец од Струмица
Учениците на свој начин со наративно и драмско раскажување, со соодветна костимографија и сцени од Старата турска пошта во Струмица, пренесуваат приказна за раѓањето, детството на великанот македонски Гоце Делчев.
„Изведбата не беше само театарски чин, туку вистинско патување низ тишината на историјата, топлината на мајчината лулка и првите чекори на правдата – вредности кои и денес остануваат темел на нашето општество“, објави Завод и музеј Струмица. (В.Т.)
Фотогалерија од изведбата во Старата турска пошта во Струмица
фото: Завод и Музеј Струмица / видео: ООУ „Видое Подгорец“ Струмица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
