Три златни и по еден сребрен и бронзен медал освоија учениците на Државното средно училиште ,,Никола Карев“ од Струмица на 17 тиот Државен натпревар за електро, машински и сообраќајни училишта што се одржа во СЕТУ „Михајло Пупин“ – Скопје. Станува збор за натпревар во технички струки каде учениците ги покажуваат своите практични знаења и вештини во соодветните области.
Како што објавија на својата ФБ страна Кире Георгиев од образовнито профил електротехничар – енергетичар го освои прво место. На Државниот натпревар тој настапи под менторство на професорите Ѓорѓи Данчев и Јосиф Буралиев. Прво место освои и тимот составен од Александар Витанов, Филип Митров, Кире Ангелов и Кирил Цветков за труд од електро-техничката струка изработен под менторство на професорките Марија Мучева-Георгиева и Надица Ристиќ.
Златен медал на 17 тиот Државен натпревар за средни стручни училишта во Скопје освои и Панче Апцев од образовнито профил машински техничар за моторни возила. Тој под менторство на професорите Марјан Гоцевски и Никола Диков покажа одлични познавања и вештини во својата област пред стручното жири.
Ѓорѓе Димитров освои сребрен медал во конкуренцијата техничар за производно машинство. Тој за овој натпревар се спремаше под менторство на професорките Софија Ѓоргиева, Маре Малинова и Јасмина Стојанова, додека Марина Трајчова, техничар за патен сообраќај го освои трето место, под менторство на професор Ѓорги Петров.
На натпреварот во Скопје кој се одржа во четвртокот и петокот пофалници добија Мартин Ајтовски електротехничар под менторство на Бошко Николов, Борислав Манчев и Павлинка Стојанова-Тримчевска и за КТИА Марина Паланкова, техничар за транспорт и шпедиција под менторство на професорот Борче Јанев
,,Горди сме на нашите ученици кои со знаење, посветеност и тимска работа го освојуваат врвот! Огромниот успех е мотив за сите идни генерации! Знаењето отвора врати, а нашите ученици покажаа дека заслужуваат да чекорат први! Честитки на сите! ,, објавија на ФБ од училиштето Никола Карев
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
