Средношколци од ДСУ „Никола Карев“ од Струмица – дрвопреработувачка струка ќе ги санираат оштетените и демолирани клупи за одмор како во големиот градски парк така и низ градот. Тие заедно со професорот Никола Узунов, извршија мапирање на клупите за одмор во Струмица при што акцент беше ставено на испокршените или пак они клупи, каде недостасува или е уништена дрвената подлога. Целта е да се направи финална пресметка колку материјал е потребен за да се санираат клупите и ќе пристапат на изработка на оштетените елементи.
,,Мапирани се околу 190 клупи за одмор на кои треба да се интеревенира. Некои ќе бидат фарбани со посебни средства за заштита на дрво, други пак ќе се санираат, кои целосно кои делумно. Наша обврска е за време на практичната настава да изработиме дрвени подлоги со димензии како на поставените клупи за одмор. Секако дека оваа ќе оди во соработка со ЈП Комуналец но и Општина Струмица “,ни изјави професорот Никола Узунов.
Планот е ЈПКД „Комуналец“ во соработка со Општина Струмица да обезбеди материјали на учениците, кои потоа во работилниците ќе пристапат кон обработка на дрвената граѓа за изработка на дрвена подлога за клупите за седење но и да се заштитат постоечките со фарбање.
Во целиот процес ќе бидат вклучени сите класови од дрвпреработувачаката струка – образовен профил – техничар за мебел и ентериер. Средношколците од прва до четврта година, околу 50 тина ќе имаат за задача во наредниот период да се посветат на практичната настава но и да стекнат одредени работи вештини кои ќе им бидат од полза по завршување на четиригодишното стурчно образование.
Ова не прв пат учениците од дрвопреработувачаката струка да излегуваат во пресрет на заедницата. Месецов тие под менторство на своите наставници изработија функционален мебел за Одделот за невропсихијатрија при ЈЗУ Општа болница и КПУ Затвор Струмица. За потребите на училиштето изработија и кујна а низ годините имаат прозвиедено и шкафче за секое дете по училиштата секако во соработка со општината. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
