Марко Кренков од Струмица освои бронза на Европската јуниорска олимпијада по информатика што се одржа во Шумен Бугарија изминативе денови. Тој беше дел од македонската четиричлената македонска селекција од која ученикот Владимир Грчев од Кочани на освои златен медал а Кренков бронза.
„Станува збор за престижен интернационален натпревар во програмирање за ученици на возраст до 15,5 години каде. Златниот медал за Македонија го освои Владимир Грчев од Кочани, а бронзениот медал го освои Марко Кренков од Струмица.Членови на македонскиот тим беа уште и Зоран Илијоски од Кичево и Јаков Грујовски од Скопје. Тимот беше раководен од лидерите, Иван Занов и Петар Ковачовски, студенти од Факултетот за информатички науки и компјутерско инженерство (ФИНКИ)“, информираат од Здружението на информатичарите на Македонија.
Учениците кои ја претставувале Македонија на олимпијадата биле избрани преку целогодишен циклус на натпревари, којшто редовно се организира од Здружението на информатичарите на Македонија (ЗИМ), а оваа година се одржува по 36-ти пат.
Натпреварите се одржуваат преку системот mendo.mk кој е достапен во текот на целата година за сите заинтересирани натпреварувачи.
Ова не е прв меѓународен успех на Кренков. Тој бронза освои и лани на Европската олимпијада што се одржа во Молдавија. Марко Кренков паралелно постигнува одлични резултати и во областа на математиката. Тој летово беше примен и од првиот човек на градот Костадин Костадинов. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
