Во организација на здружението Проагро фармери од Струмица утре на плоштадот „Гоце Делчев“ ќе се реализира четвртата саемска манифестација ,,Агросаем Струмица 2024“. На манифестацијата се очекува да се престават 100 тина изложувачи пред се фармери, градинари, пчелари, производители на репроматријали и земјоделска опрема како од земјава така и од странство.
Целта на саемот е да се зајакнат врските меѓу производителите и потрошувачите но и сите чинители во синжирот на производство на храна.Ќе биде презентирано годинашново производство како и нвоите трендови и технологиии во фармерството. Се очекува да се изберат најдобрите производители на мед но и да се прогласата Жена фармер на годината. Паралелно ќе има и дегустација на најдобрите вина и алкохолни пијалоци од земјава
,,Ова не е само саем, туку вистински фестивал на вкусовите и традициите, каде што ќе ја почитуваме домашната храна и ќе ја поддржиме локалната економија. Со многу дегустации, културно-уметничка програма и стручни предавања. Целта на Саемот е да ја подигне свеста за домашната произведена храна и да овозможиме зајакнување на соработката и довербата помеѓу сите кои се вклучени во синџирот на земјоделско производство. Со овој голем настан сакаме да продолжиме да ја почитуваме локално произведената храна и да ја зголемиме свеста за купување на домашни производи ” велат од здружението Проагро фармери од Струмица.
Инаку манифестацијата е поддржана од Општина Струмица и од Министерството за земјоделство шумарство и водостопанство (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
