Државниот завод за статистика го објави конкурсот со кој бараат реонски попишувачи и реонски инструктори кои во септември оваа година ќе го спроведуваат попишувањето во рамки на пописот 2021 година. Според објавениот конкурс во Југоистокот ќе бидат ангажирани 442 попишувачи и 46 инструктори за 10 те општини од овој дел на државата. Освен македонци за дел од општините ќе бидат ангажирани и попишувачи од турската, ромската , српската и влашката заедница.
„На конкурсот можат да се пријават сите полнолетни државјани на Северна Македонија кои се невработени, кои имаат завршено најмалку средно образование и имаат компјутерски вештини“, велат од ДЗС и додаваат дека електронската апликација е достапна на веб-страницата popis2021.stat.gov.mk.
Како што е опишано во конкурсот за територијата на Богданци се бараат 23 попишувачи од кои 2 да се од српската заедница и 2 реонски инструктори. За реонот на општините Радовиш и Конче се бараат 66 попишувачи од кои 10 да бидат од турската и 1 од ромската заедница. За пописот во овој регион потребни се и 7 реонски инструктори.
За териториите на општините Гевгелија и Дојран ќе бидат ангажирани 88 попишувачи од кои по 2 од српската и турската заедница и 1 од влашката. Во Валандово пописот ќе го реализираат 30 попишувачи и 3 инструктори и за толку места е распишан конкурсот. Од попишувачите 3 треба да бидат од турската и 2 од српската заедница.
За општините Струмица и Василево има потреба од 167 попишувачи од кои 7 од турската и 3 од ромската заедница но и 18 реонски инструктори, додека за општините Ново Село и Босилово според конкурсот ќе бидат ангажирани 68 попишувачи и 7 инструктори. Од попишувачите 2 треба да се од турската и 1 од ромската зедница
За условите кои треба да се исполната можете да прочитате ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
