Утре на програмата е третото коло од Општинската фудбалска лига на Струмица каде во Дрвош би требало да има дерби со оглед дека се среќаваат два тима без пораз во воведните две кола од лигата. Екипата на Дрвош го прчекува тимот на Спартмани од Балдовци. Станува збор за две екипи кои се втората и третата позиција со по 6 бода но домаќините имаат подобра гол разлика.
Интересно ќе биде и во Добрејци каде се среќава домашната Илинден со Единство од Пиперево. Таму тимот од Добрејци ја има фаворитската улога но со оглед на фудбалското ,,ривалство“ на овие две соседни населени места, мечот се очекува да биде доста интересен.
Екипата на Интер Кукла во Куклиш која е лидер на табелата го пречекува младиот состав на Напредок од Радово. Фудбалерите на Напредок ќеа се обидат да ги изненадат куклишани на домашен терен а Огражден од Ново Село е фаворит во дуелот со Слога од Злеово.
Дуелите од третото коло од Општинската лига на Струмица се закажани утре во 13 часот. (В.Т.)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
