Според изборниот роковник, утре ден пред изборите ќе гласаат болните и изнемоштени лица во земјава за кои имаше рок на пријавување до Општинските изборни комисии. Тој беше до 10 ти октомври за што овие лица мораа да достават соодветна медицинска документација. По извршената проверка ДИК ја објави статистиката на пријавени и одобрени лица по општини кои може да гласаат, за што избирачките одбори ќе ги посетат во нивните домови.
Во струмичкиот регион пријавени се 1 308 болни и изнемоштени лица од кои најмногу во Општина Струмица 514, во Општина Ново Село 400, во Општина Босилово 232 а во Општина Василево 162 лица.
Што се однесува до останатите општини од Југоистокот – во Гевгелија има пријавено 213 болни и изнемоштени, Радовиш 155, Богданци 129, Валандово 83, Конче 74 и општина Дојран 57 .
Вкупниот број на гласачи запишани во Избирачкиот список во Македонија за локалните избори 2025 година изнесува 1.832.415 избирачи. На овие избори не се спроведува гласање во дијаспората (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
