Утре на струмичкиот плоштад со поддршка на Општина Струмица и градоначалникот Костадин Костадинов ќе има собир на олдтајмери кој ќе го организира здружението на граѓани Авто клуб – Струмица Ретро Клуб. Според најавите ќе бидат изложени над 50 тина возила од земјава и странство стари над 35 години.
,,Идејата на клубот со овој настан е да ја прикаже авто-мото културата на посетителите но и да покажеме со какви ретро автомобили располага Струмица.Сакаме овој настан да премине во традиција бидејки олдтајмер е секое возило кое во моментот е со старост од 35 или повеќе години но, возила кои се со старост меѓу 30 и 35 години се нарекуваат јангтајмери. Најстаро претставено возило на собирот е произведено во 60 тите години на минатиот век“, велат од клубот
На собирот ќе има возило старо и 60 години а паралелно ќе бидат изложени и возилата во сопственот на членовите на Авто клуб – Струмица Ретро клуб како што се неколкуте модели на Голф, Порше, Југо, БМВ, Лада, Фиат, Буби, Опел….
,,Возниот парк на членовите брои околу 15 возила, дел од нив во оригинално издание, без претходна реставрација, и неколку возила кои се целосно реставрирани и пленат со својата убавина“ велат од клубот
Во своето досегашно постоење, клубот успешно се претставува на домашната авто-мото сцена како и на меѓународната, со тоа што клубот две години по ред на најголемиот авто-мото собир во Србија зема 2 награди во топ 5 најдобри возила.
Доста битно е да се напомене е и подвигот на Игор Тодоров кој со неговото Југо помина вкупно 2500 км за да не претставува како клуб и општина Струмица, во Копер, Словенија и се врати со пехар.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
