Граѓани, дипломати, лица со попречености, преставници на граѓански здруженија и институции учествуваа во уредувањето и оплеменувањето на првиот инклузивен парк кој го подига Фондацијата „Ице Бегов“ во соработка со Општина Гевгелија. Станува збор за парк од околу 2 000 квадрати метри кој се наоѓа во кругот на пионерскиот дом во Гевгелија со што овој град добива модерен, урбан, хортикултурно уреден простор кој ќе придонесе за поголема посветеност и интеракција меѓу граѓаните.
Тие посадија повеќе видови декоративни дрвца и хорти културно го уредија просторот и испратија порака дека сите сме еднакви и не треба да постојат пречки и бариери. Проектот е резултат на главната идеја, а тоа е овозможување еднаквост при користење на овој простор за лицата со попреченост и останатите корисници преку инклузивни реквизити за седење, игра, сензорни елементи и слично.
,,На тој начин овозможуваме простор кој има за цел да поттикне инклузивност и пристапност за сите членови на нашата заедница“ децидни од Фондацијата „Ице Бегов“ која е корпоративна, семејна фондација основана во чест и спомен на лице со попреченост за да ја продолжи неговата мисија на хуманост, ведар дух и добрина.
Во изминатите 18 месеци, колку што постои Фондацијата Ице Бегов, реализирани се 11 проекти во кои вклучени нрс над 1 000 лица со попреченост. Активностите вклучуваа два хуманитарни настани во Македонска Каменица, опремена сензорна соба во дневен центар во Македонска Каменица, донирано специјално пристапно возило за транспорт на лица со попреченост на општина Гевгелија, летување на лица со попреченост во Охрид, инклузивно планинарење, прва инклузивна трка November run – Run Together и поддршка на активностите на повеќе здруженија и дневни центри.
Паркот според најавите од Фондацијата Ице Бегов ќе биде и официјално ставен во употреба или во функција од сабота 13 ти април.
Фото Фондација Ице Бегов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
