Од денес се отворени над 2.100 места за редовни и 800 места за вонредни студенти на 12 факултети и три академии на Универзитетот Гоце Делчев (УГД) во Штип. Почнаа уписите на кои им претходеше електронско пријавување. Идните студенти од денес и во следните два дена ќе можат да ги донесат документите во приемните центри во Штип, Скопје, Струмица, Кавадарци и Гевгелија.
Со конкурсот УГД и оваа година нуди можност за избор на 80 студиски програми. Проректорот за настава Мишко Џидров најави ослободување од плаќање партиципација за одреден број студенти.
Во Струмица има 80 места на правните студии, 100 на земјоделскиот факултает по педесет за градинарство и растителна биотехнологија. На машински ќе се примат 15 само вонредни студенти по пет на машински дизајн, мехатроника и машинско инженерство. Исто така во наставниот центар во Струмица завршните матуранти може да се запишат и на англиски и италијански (наставна насока и преведување и толкување) каде се предвидени 110 студенти во државна, со кофинансирање и вонредни а 30 места ќе има и на дисперзираните студиски програми за дизајн и технологија на текстили прехрамбена технологија од технолошко техничкиот факултет.
Во Гевгелија традиционално ги има студиските програми на Факултетот за туризам и бизнис логистика каде може да се запишат 30 студенти во прва година.
По првиот уписен рок следува и вториот на 4 и 5 септември, и третиот на 17 и 18 септември, по што почнуваме со настава од 1 октомври. Со почетокот на студиската година, во октомври ќе биде објавен и конкурсот за ранливи категории.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
