Универзитетот Гоце Делчев од Штип го објави конкурсот за упис на студенти во прва година на студиските програми за наредната учебна година. Како што објави ректорот Блажо Боев слободни се околу 3800 места за редовни и вонредни студенти на државна квота и кофинансирање. Уписот ќе биде електронски за што од 1 јули ќе има посебна платформа на нивната страна. За разлика од претходните години според Боев намален е бројот на слободни места.
По речиси една деценија опстојување, во Струмица според конкурсот, укинати се студиските програми од Економскиот факултет. Во кампусот во Струмица во следната академска година, матурантите може да се запишат на правни студии каде има 80 слободни места за редовни, вонредни и студенти со кофинансирање. На Земјоделскиот факултет на Градинарство може да се запишат 50 а на студиската програма Растителна Биотехнологија 30 студенти.
Во Струмица ќе има слободни места и на дисперзираните студиски програми од Филолошкиот факултет за англиски и италијански јазик и книженост. За англиски може да се надеваат 50 а на Италијански јазик и книженвост 35 студенти . И ова година во Струмица ќе има програми од Машинскиот факултет. За програмите Производно машинство и Индустриско инженерство има по 40 места а за Мехатроника 30 слободни места.
Во Гевгелија ќе има две студиски програми од Факултетот за туризам и бизнис логистика каде може да се запишат 50 студенти во прва година по 25 на двете програми. Партиципацијата за редовните студенти во Струмица во државна квота е 100 евра а во Гевгелија 200 евра
Како што кажа ректорот Боев околу 300 студенти кои ќе бидат меѓу првите рангирани на дел од фактултатите ќе бидат ослободени од партиципација за Прва година.
За сите слободни места на УГД Штип на сите студиски програми повеќе на ЛИНКОТ
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
