Оваа академска година на Универзитетот Гоце Делчев може да запишат 3 983 студенти во прва година. Толку слободни места има од кои 2223 се предвидени за редовни студенти во државна квота, 950 се предвидени за редовни студенти со кофинансирање, додека 810 би биле вонредни студенти.
Во Струмица ќе има студии од правниот факултет каде што може да се запишат 80 редовни и вонредни студенти. Од земјоделскиот факултет во Струмица ќе има две студиски програми и тоа Градинарство и Растителна Биологија каде ќе може да се запишат по 50 студенти. Во Струмица и годинава ќе има студии од Машинскиот факултет и тоа Машинско инженерство каде ќе може да се запишат вкупно 35 редовни и вонредни студенти.
И во следната академска година во Струмица завршните средношколци може да изберат Англиски јазик и книжевност и Италијански јазик и книжевност . На двете програми место има за 85 студенти од кои 50 се за Англиски. Во Струмица дисперзирани студии ќе има и од Технолошко техничкиот факултет на кој 30 студенти може да се запишат и тоа Дизајн и технологија на текстил и облека и Прехранбена технологија
Во Гевгелија и годинава ќе има дисперзирани студии и тоа до Факултетот за туризам и бизнис логистика. Во двете студиски програми Туризам и угостителство како и Бизнис логистика во Гевгелија ќе може да се запишат вкупно 30 студенти.
Истовремено со објавувањето на Конкурсот се отвори и електронскиот систем за аплицирање на заинтересираните апликанти, кои веќе можат да аплицираат преку оваа онлајн платформа. Оригиналните документи подоцна се доставуваат во објавените уписни рокови. Првиот уписен рок е 20-23 август, вториот 5-6 септември, а третиот 18-19 септември.
И оваа година, како и претходната, Универзитетот „Гоце Делчев“ им доделува стипендии на најдобро рангираните кандидати на факултетите во вид на ослободување од плаќање на партиципацијата за првата година од студирањето. Бројот на студентите што ќе бидат стипендирани е различен за секој факултет и зависи од големината на факултетот.
Повеќе информации за Конкурсот може да се виде ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
