16 лица со попречености од земјава продефилираа на модна писта во Струмица во рамките на манифестацијата ,, Убави сме, свои сме“ што ја организира здружението за поддршка на лицата со даунов синдром ,,Вера“. Облечени во креации добиени по пат на спонзорства а придружувани од познати и истакнати личности во заедницата, децата покажаа дека умеат и знаат да бидат и манекени само ако некој им помогне. Пропратени токму од нив тие смерено и умерено чекореа по импровизираната модна писта презентирајки ги моделите, креациите.
,, Тоа е нашата цел да ја испратиме пораката дека лицата со попреченост се тука и дека и тие можат и умеат, само некој треба да им подаде рака и да бидат дел од заедницата. Често знам да кажам дека секој од нас е лице со попреченост, но нас не не етикетираат како овие деца. Затоа апелираме да нема различности бидејки сите сме убави на свој начин и вредиме во оваа оптшество,, кажа Анче Туфекчиева од здружението ,,Вера“
Модната ревија по деветти пат се организира од страна на здружението Вера. Се сплотува цела заедница и настанот добива хуманитарен карактер каде граѓаните кои доаѓаат да ги видат малите херои и манекени, донираат средства за потребите на лицата со даунов синдром. Овие деца како манкени постојано се придружувани од политичари, уметници, спортисти, лекари, бизнисмени и заедички испраќаат порака за инклузија.
,Секое дете заслужува да блесне… Да создадеме свет каде сите деца ќе бидат видени и слушнати.. Разликите не праваат уникати а прифаќањето посилни… Ова беа само дел од пораките што се упатуваат од учесниците
Модната ревија ,,Убави сме, свои сме“ ја отвори градоначалникот на Струмица Петар Јанков кој по модната писта прошета со 15 годишните Јагмур и Дамла од Радовиш ученички во училиштето Крсте Петков Мисирков
,, Оваа манифестација им дава можност на нашите деца да блеснат на сцена, да бидат видени, почитувани и поддржани. И секое нивно појавување овде, секоја насмевка и прошетка по пистата верувајте дека е една голема победа за сите нас. Победа над предрасудите и тишината, кои време е да ги надминеме. Затоа да ја негуваме емпатијата, да го славиме различното и да создадеме општество каде секој човек има свое место“, кажа Јанков
Инаку модната ревија ,,Убави сме, свои сме„ освен во Струмица низ годините се организираше и во Радовиш и Валандово. Во овие 9 години овозможи околу 200 дечиња со попречености од земјава за неколку минути бидаат манекени во присуство на славни и познати личности.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
