Тутунарите од струмичко Градашорци во паника. Незнаат каде да ги предадат произведените количини тутун од ланската реколта откако компанија Далија Табак не доби зелено светло да врши откуп ова сезона. Производители имаат склучено договори, но тутунот им стои а одговор дали некој ќе им го откупи и кога, сеуште немаат.
,, Имаме склучени договори, но тутунот ни стои. Откупниот пункт во Владевци сеуште е затворен. Добивме информација дека ова сезона нема да откупуваат. Ни кажаа да си бараме чааре. Кај да одиме, кога сите компании овршат откуп само од своите кооперанти со кои склучиле договори. Бараме Владата да ни помогне и да го реши овој проблем бидејки ќе немаме пари да си ги платиме основните давачки. Ако проблемот не ни се реши излегуваме на протести. Не сме малку, само во Градашроци не има околу 80 тина производители а ги има и од околните села но и од радовишко,, ни кажа Ерол Демов тутунопроизводител од Градашорци
Од министерството за земјоделство потврдија дека Далија табак не откупува заради необезбедена финансиска гаранција и дека се прават напори да се изнајде решение. На утрешниот сотанок со откупувачите ќе биде отворено и ова прашање
,,Далија Табак не откупува бидејки инспекторатот утврди дека во законскиот рок не обезбеди финансиска гаранција за договорените количини тутун. МЗШВ прави напори за откуп на договорените количини на тутун од ланската реколта склучени со откупувачот Далија Табак. Став на министерството е дека нема да остане неоткупен ниеден лист на тутун ова година,, соопштија од ресорното министерство
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
