На просторот на некогашната маларична кај Турското маало во Струмица изградено е ново спортско игралиште кое е оградено а паралелно поставено е и катче со детски реквизити за забава и рекрација на најмалите. Првиот човек на општината Костадин Костадинов на својот ФБ профил веќе објави фотографии како просторот е полн со деца кои уживаат на новите детски играчки иако игралиштето и детското катче официјално не се пуштени во употреба.
,,Не делиме на маала, на населби, на центар и периферија – инвестираме насекаде низ Струмица! Градиме нови простори за спорт, за дружење, за живот со повеќе можности и повеќе среќа“, објави на ФБ градоначалникот на Струмица Костадинов
Инаку на овој простор се изгради и паркинг со оглед на големиот број посетители на црквата Св.15 и Џамијата. Спротскиот терен е наменет за кошарка а може да се користи и за други спортови. Освен детските реквизити на просторот поставена е и урбана опрема за одмор на посетителите.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
