Турската агенција за соработка и координација (ТИКА) обезбеди поддршка со опрема за оранжерии и земјоделска механизација на повеќе земјоделци во Општина Василево. Церемонијата беше на фудбалскиот терен во Василево каде присуствуваше турскиот амбасадор во земјава, Фатих Улусој, градоначалникот на Василево, Славе Андонов, пратеници и политичари од турската заедница во Северна Македонија, потпретседателот на ТИКА, Махмут Чевик,.
Беше доделена опрема за стакленици и земјоделска механизација во рамките на проектите за одржливо земјоделско производство. Околу илјада земјоделци од земјава ќе можат многу полесно да го обрабнотуваат своето земјиште и да се занимаваат со земјоделство
„Како Туркије, ние секогаш сме биле покрај нашите браќа во оваа земја, исто како што сме биле покрај Македонија од нејзината независност. Би сакал уште еднаш да ѝ се заблагодарам на ТИКА за овој проект што ќе придонесе за семејната економија, а со тоа и за регионалната економија и развој, и ви посакувам вам, на земјоделците, продуктивни и богати жетви“, рече амбасадорот на Турција Фатих Улусој,
Од своја страна, потпретседателот на ТИКА, Махмут Чевик, изјави дека ТИКА спровела 215 проекти на Балканот во областа на земјоделството и нагласи дека овој број во Северна Македонија изнесува 28, што е важно во однос на вработувањето на жените и младите.
Градоначалникот Андонов изјави дека Општина Василево е позната по мултикултурализмот и соживотот.
„ „Општина Василево е позната по мултикултурализмот, општина позната по соживотот, општина позната по одгледувањето на раноградинарските култури. Народот кој што живее во нашата општина е трудољубив и вреден. Сите знаеме дека општина Василево е позната по одгледувањето на земјоделски култури, на полјоделски култури. Општо е познато дека нашата општина е една од ретките општини во Р. Македонија која што има четири индустриски зони, општина која што е позната по објектите што просперираат во индустриските зони и тоа објекти за откуп и преработка на земјоделски култури и затоа мислам дека денес сме на правото место. Навистина заслужуваше општина Василево да биде домаќин на оваа манифестација каде што ќе бидат поделени грантови од страна на ТИКА. Земјоделска механизација и пластеници. Во таа насока, денес преку ТИКА на одреден број земјоделци, ќе биде доделена директна помош со што ќе се овозможи развој на производството на раноградинарски култури. Заедно со субвенциите од Владата на Р.Македонија и оваа директна помош од ТИКА, во голема мера ќе се помогне на земјоделците во процесот на производство
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
