Амбасадорот на Република Турција – Хасан Мехмет Секизќок, денес ја посети општина Василево , каде имаше средба со градоначалникот Славе Андонов. На средбата се разговарало за повеќе важни теми и области за продлабочување на соработката на општина Василево со други општини од Турција. Како што објави првиот човек Андонов посебен акцент бил ставен на економската соработка бидејки имало сериозна заинтересираност турски компании да инвестираат во индустриските зони во Василево
,,Посебен акцент на средбата беше ставен на економската соработка, која се потврдува и со сериозната заинтересираност на турски компаниии за инвестиции во индустриската зона во нашата општина. Информиравме за отвореноста на локалната самоуправа и поддршката која ја овозможува општината во рамките на својата надлежност и за развој на други бизнис идеи кои ќе придонесат за економско јакнење на општина Василево,, објави Андонов
Градоначалникот Андонов на средбата ги преставил спецификите, особеностите, можностите и капацитетеите со кои располага општина Василево. Се разговарало и за реализација на конкретни активности од кои бенефит би имале двете страни.
,,На средбата, разговаравме и за историската поврзаност на двете држави.Се разговараше и за соработката во областа на образованието и културата, а после средбата во кабинетот, со амбасадорот Секизќок, ги посетивме населените места Градашорци, Василево, Добрашинци, Нова Маала, Чанаклија, Пиперево и Висока Маала. Со амбасадорот ја посетивме и индустриската зона во Василево,, објави Андонов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
