Три лица од Гевгелија на возраст од 71, 73 и 75 години, две од Струмица на возраст 63 и 77 години и едно лице од Радовиш на возраст од 67 години починале во последните 24 часа од компликации предизвикани од вирусот ковид-19, информираа здравствените власти, кои соопштија дека во последното деноноќие починале вкупно 29 пациенти во земјава.
Во последните 24 часа од направени 3.012 тестови регистрирани се 1.069 нови случаи на ковид-19. Во Југоистокот најмногу има во Струмица -30, 9 новозаболени има во Гевгелија, 4 во Радовиш и 3 во Валандово.
Институтот за јавно здравје регистрира 1.242 оздравени пациенти. Од Југоистокот во Гевгелија оздравеле 15, во Струмица-65, Радовиш-4 и во Валандово-7 лица.
Според досега завршените епидемиолошки анализи во моментов дистрибуцијата на вкупно заболени и активни случаи по градови во Југоистокот е следна:
• Гевгелија 754, активни 232 (58 лица од ПЕ Гевгелија се жители на Дојран, 132 на Богданци и 12 се странски државјани)
• Струмица 1741, активни 564
• Радовиш 442, активни 121
• Валандово 221, активни 66
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
