Екипите на Интер Кукла од Куклиш, Дрвош и Спартмани од Градско Балдовци ги забележаа вторите победи во Општинската лига на Струмица. Тие денеска славеа во рамките на второто коло од Општинската лига а се радуваше и Огражден од Ново Село кој стаса до првата победа во општинското првенство.
Интер Кукла славеше во Добрјеци. Таму со 4:0 го надиграа домашниот Илинден со што тиот од Куклиш се закотви на лидерската позиција во Општинската лига со најдобра гол разлика. Ташев , Китански, Кршков и Дрвошанов беа стрелците за убедливата победа на Интер Кукла во Добрејци.
Оражден од Ново Село откако киксна во првото коло, денеска како гости со 4:1 го надиграа Единство од Пиперево. Стрелци на головите за победникот беа Никола Јарков, Александар Коцев, Никола Трајков и Петар Јанчев.
Интересно беше во Радово каде гостите од Дрвош со 5:2 го надиграа домашниот Напредок. Единствената победа како домаќини ја остварија екипата на Спартамани од Градско Балдовци кои со 3:0 беа подобри од Слога Злеово. Шутевски и Митев беа стрелците за тимот на Спартмани
Интер Кукла, Спартамни и Дрвош се трите водечки позици со по 6 бода. Огражден од Ново Село и Илинден од Добрејци се на 4 и 5 позиција а без бодови се екипите на Напредок од Радово, Единство од Пиперево и Слога од Злеово. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
